مكتائب وعايز تفك خش هنا والله والله والله هتفرح وهتسعد واسف لو كلامى هيزعل حد

السلام عليكم ورحمه الله وبركاته :

وانا فى ملكوت الله وبتفكر فى جو هادئ وسماء صافيه
سالت نفسى ؟؟؟؟
انا عاوز ايه وبعمل ايه عشان احقق اللى انا عاوزه ؟
وبعمل اى حاجه ليه ؟؟؟؟

ولقيت نفسى دخلت فى تسلسل غريب من ليه واخواتها .......ليه .......ليه

فقلت انا بذاكر واروح الكليه ليه .......عشان انجح واجيب تقدير .......

ليه

عشان اعرف الاقى فرصه حلوة للعمل فى السوق والزمن اللى احنا فيه ...

ليه

عشان اعرف احوش قرشين او اسافر بره

ليه

عشان اتجوز واجيب عيال واربيهم .....

ليه

ليه

ليه

وفضلت سارح مع نفسى واسال نفسى ليه
لحد مالقيت الاجابه الصحيحه على سؤالى

انى ابحث عن

السعاده

نعم ....اسال نفسك انت بتعمل كل ده
عشان تبقى سعيد ......

ايه اللى انت بتعمله عشان تبقى سعيد ؟؟؟

فى ناس ممكن تشرب مخدرات ويدخن ....عشان يظبط دماغه على حد زعمه

عشان يبقى سعيد !!!!!!!!!

فى ناس تانيه مدمن مشاهده افلام اباحيه وجنسيه ....عشان يتمتع ...تعب من البحث عن الاباحه

عشان يبقى سعيد !!!!

وناس تانيه بتجمع المال من حلال وحرام وكل مكان

عشان يبقى سعيد !!!!!!!!

ياغلبااااااااااااااااااااااااااااااااااااااااااااا ن انت وهو

بالله عليك لما تعمل اى حاجه من الحاجات دى بتحس بسعاده

والله والله والله انها السعاده المزيفه ان صدق التعبير

دى مش سعاده .....قول عليها كابه ....تعاسه .....خيبه بعيد عنكم

ولو مش مصدق اسال نفسك لما لو عملت اى حاجه من الحاجت دى او غيرها

بتشعر بسعاده فعلا ؟؟؟؟؟ جاوب مع نفسك

بس انا بقولك ومتاكد ان اللى انت بتعمله بتعمله وانت مخنوق ومش قادر تعمل حاجه

يقول الله عز وجل
(ومن اعرض عن ذكرى فان له معيشه ضنكا )

اتامل معى اخى الحبيب واختى الحبيبه الايه القرانيه مره اخرى

اقراها تانى كده ......


ومن اعرض : يعنى من ولى ظهره عن ذكر الله ....

وما اكثر هذا العمل فى هذه الايام ......وانت بتعمل كده ...طب شوف كده

لما يفتح المنتدى ينزل بسرعه على اى قسم تانى عشان مياخدش باله من القسم الاسلامى ..

اعراض عن ذكر الله ......

بيتفرج على التلفزيزن وبيقلب فى القنوات ....لما تيجى قناه المجد للقران او قناه اسلاميه ...

يتخانق مع الريموت ويقلب القناه بسرعه ويعمل انه مخدش باله ...

اعراض عن ذكر الله .........

لما تكون قاعد مكانك كده على جهازك وبتقرا موضوعى ....والاذان بياذن

وانت **لان ومش قادر تقوم ....تقوم تلهة نفسك فى اى حاجه على المؤذن ماينتهى

وتعمل نفسك انك مسمعتش الاذان ......

اعراض عن ذكر الله ..........

وغيرها كتير من الامثله عن الاعراض عن ذكر الله ...كل واحد وطريقته

تعالو نتامل الجزء الثانى من الايه كده (فان له معيشه ضنكا )

قالولنا فى المدرسه:

الفاء دليل السرعه

وان : للتوكيد

والمعيشه : ولم يقل الله عز وجل الحياه ....لان الحياه تكون طيبه

يقول المولى عز وجل

(من عمل صالحا من ذكر او انثى وهو مؤمن فلنحيينه حياه طيبه
ولنجزينهم اجرهم باحسن ماكانو يعملون )

هنا قال الله عز وجل حياه وفى الايه السابقه قال معيشه ....تفكر فى الكلمتين

ضنكا :

الضنك من نطقها توضح ان هناك شئ ما فى صوتك وتدل على شده الضيق

وهو مايعيش فيه غالبيه الناس اليوم ............معيشه ضنكا

ركز كده ...يقولك ايه صاحبك : معظم الناس بتقول الكلام ده

انا مش عارف مالى بس مخنوووووووق وقرفاااااااااان و..........
ليه
مش عارف من ايه ....بس حاسس انى مكتئب
حاسس انى مش عارف اعمل حاجه والحياه ممله
حاسس انى .......................................الخ
الله المستعان

هو ده الضنك اللى ربنا وعد كل من غفل عن ذكره

انك اعرضت عن ذكر الله عز وجل

ممكن تسالنى دلوقتى وتقولى يعنى اعمل ايه ؟؟؟

قبل مااجاوبك اسمع قصه واحد صاحبنا فيه شبه مننا بالظبط اوى ...ركز معاه كده

صاحبنا ده تعب وبيتالم فى كل مكان ...فراح للدكتور وكشف وكتبله على العلاج

وصاحبنا راح اشترى الدواء من الصيدليه واخد الدواء وروح على البيت

لكن العجيب انه لم يتناول الدواء !!!!مع انه بيتالم جدا

وكان معه احد اصحابه


فقال له ...سبحان الله


كشفت وجبت الدواء ومش عاوز تعالج نفسك

يرد صاحبنا يقوله : اصل انا تعبان وبتالم

طب متاخد الدواء

اصل انا تعبان ومش قادر دلوقتى ...لما اخف هبقى اخد العلاج ....!!!!!!!

دى قصه كل واحد فينا حاسس بالضيق والهم

جاءنا النبى صلى الله عليه وسلم بالعلاج وهو طاعه الله

اخى الحبيب اعلم ان السعاده فى طاعه الله عز وجل

هو ده العلاج والله العظيم ولو بحثت عند جميع اعلم العلماء فى الطب النفسى

لن تجد افضل من المصطفى حبيبى وحبيبك صلى الله عليه وسلم

بالمثل انت الان امامك المصحف الشريف على مكتبك او فى درج مكتبك

وقد غطاه التراب وانت لا تهو نفسك ان تمسح حتى التراب من عليه .......م**ل

المس المصحف وافتحه واقرا فيه ولو ايه واحده بس لعلها تكون سبب هدايتك

لعلها تكون سبب سعادتك ....اقرا اخى الفاضل

(اللهم اجعل القرءان ربيع قلوبنا ونور صورنا وجلاء همنا وذهاب غمنا )

نجاوب على السؤال :

اخى الحبيب لو عاوز فعلا تخرج من الحياه اللى انت عايش فيه من الهم والغم والحزن

وجو الكابه اللى انت عايش فيه والسلبيه والاحباط ...

قوم

قوم دلوقتى حالا

اتوضا وصلى ركعتين توبه لله عز وجل ....واسجد

(اقرب ما يكون العبد من ربه وهو ساجد فاكثرو الدعاء )

يااااااااااااااااااااااااااااااااه على النعمه

لما تسجد تبقى قريب من الملك ....ملك الملكوك ...ذا الجلال والاكرام
الرحمن الرحيم الغفار التواب

اسجد وقوله يااااااااااااااارب

يارب انا تعبت من الذنوب اللى بعملها وزهقت منها
يارب انا غلطت فى حقك وانت الغفور الرحيم
يارب انت التواب الرحيم .....تب عليا وارحمنى

ياضعيف انت وهو ....انت الان قريب من ملك الملوك ......الغنى ...من بيده كل شئ

اذا ناداه العبد العاصى ...قال له ...لبيك عبدى ...لبيد عبدى ....لبيك عبدى ....3 مرات

فقم اخى الحبيب وانهض من هذا المكان ومن امام هذا الجهاز ومن امام الشبكه العنكبوتيه

التى اوقعتنا جميعا فى مصيدتها مصيده العالم الصغير والقريه الصغيره

انهض اخى الحبيب الان وقبل ان ترد على موضوعى

لا اريد منك ان ترد على موضوعى بالشكر ولكن ردك الذى اريده

هو ان تقوم الان من مكانك هذا وتتوضا وتصلى ......وتدعى ربك وتتوب اليه

تقولى لى كلما تبت رجعت مره تانيه واسوا من الاول

اقولك تب تانى توبه اصدق من التوبه الاولى وتب تالت ورابع وخامس

الى ان تلقى وجه الكريم ....

فانت لا تعلم متى ستقابل الملك ..............

قد يكون ساعتك الان .....نعم والله العظيم قد تكون الان ساعه احتضارك

وما اصعبها من ساعه .....

انت لا تعرف ما الذي يفعل بك بعد موتك

سيحملونك ويغسلونك وانت لاتستطيع حتى ان تعترض

سيحملونك على الاعناق ...ونفسك واحده من اثنين

اما ان تقول نفسك : قدمونى ..قدمونى

او تقول : ياويلها ...اين تذهبون بها .....

وتصرخ انت فى هذا الوقت صرخه ......

(رب ارجعون لعلى اعمل صالحا فيما تركت )

ويكون الجواب

(كلا انها كلمه هو قائلها ومن ورائهم برزخ الى يوم يبعثون )

وقد يكون هذا الكلام هو اخر كلام تقراه على جهازك

فانت وحدك بيدك الاختيار الان ...............................فايمها تختار

تقوم من بعده تصلى وتناجى ملك الملوك وتموت على حسن الخاتمه ....

ام انك تصر على معاصيك وياتيك ملك الموت .....وساعتها افتكر ربك

(ولن يؤخر الله نفسا اذا جاء اجلها )

فاللهم احسن خاتمتنا وتول امرنا واسترنا وارحمنا وتب علينا واهدنا

امين يارب العالمين

واعلم

ان الله يفرح بتوبه عبده اشد من الرجل الذى ضاعت منه دابته فى الصحراء وعليها زاده
وعندما ياس منها نام تحت ظل شجره ثم قام فوجد الدابه وعليها طعامه وحاجاته
فقال من شده الفرح اللهم انى ربك وانت عبدى
يقول صلى الله عليه وسلم اخطا من شده الفرح

تخيل انت اخى الحبيب ان الله عز وجل وهو ملك الملوك جبار السماوات والارض
يفرح بتوبتك انت ...وانت من انت ...اشد فرحا من هذا الرجل

(ان الله يحب التوابين ويحب المتطهرين )

اتمنى ان لا اكون اطلت عليكم بكلامى
وارجو من الله عز وجل ان ينتفع الجميع بهذا الكلام ويحقق نتائج ايجابيه
واعتذر عن اللغه العاميه التى تكلمت بها
جزانا الله واياكم الخير

يسلمو ايديك